refiss

المقادير
نحتاج الى 3 مكيالات من السميد نصف غليظ يعني السميد لي عادة نستخدمه لتحضير قلب اللوز،بالنسبة للكيلة هي 500غرام
كيلة مخلطة نصفها سمن ذايب و بارد و النصف الآخر زبدة ذايبة و باردة و تخلطيهم مع بعضهم
ملح
ماء
بالنسبة لتفوار تاع الرفيس نحتاج الى حليب،ماء الزهر
و لتحضير الرفيس نحتاج الى الزبدة و العسل و القليل من المكسرات
طريقة التحضير
نخلط السميد مع الملح و كيلة الزبدة مع السمن و نبسسو مليح،من ثم نلم العجين بالماء و نبسطو في قالب الفرن و قطعي بالسكين مرباعات متساوية كما موضح في الصور من ثم ندخلو يطيب على درجة 200 درجة
عندما يصبح لون الرفيس ذهبيا على الاطراف نشعل الشواية حتى يحمر الوجه،بالنسبة للوقت الذي يأخذه يكون حسب نوعية الفرن انا اخذ مني حوالي ساعة و نصف
عندما ينضج العجين و هو ساخن ضعيه في قصعة و هرسيه بالمهراس او اذا معندكش مهراس استخدمي قارورة زجاجية معمرة بالماء و هرسيه بيها يعني المهم حاجة ثقيلة
ابسطي الرفيس في صينية و عرضيه للشمس حوالي يوم كامل و ممكن اكثر كلما تعرض للشمس اكثر و اصبح جاف كلما كان نجاح تاع الوصفة مضمون
بالنسبة للتفوار في هذه الوصفة خدمنا 1.5 كيلوغرام من السميد و القاعدة هي انو كل كيلوغرام من السميد يحتاج الى كوب حليب و نصف كوب ماء زهر
بلي الرفييس بكمية الماء زهر و الحليب و افتليه كيما الكسكس حتان يشرب و حطيه يفور في كسكاس على مرتين المرة الاولى تستغرق حوالي الساعة و المرة الثانية نصف ساعة
بالنسبة لكيفاه نخدموه كل كيلو سميد يحتاج الى 250غرام زبدة و كاس عسل على حسب الحلاوة كاين لي يشتيه حلو و كاين لي لالا
تأخذي كمية من الرفيس و تضيفيلها المكسرات و شوية سكر حرش و من بعد تضيفي خليط الزبد و العسل و تحطيه في طبق التقديم و زينيه على طريقتك الخاصة
حقا وصفة رائعة خاصة انه موسم الاعراس و مناسبات النجاح حتى تقدموه لكل احبابكم