ANFIYI ad AGRUGH " Laisse-moi rêver"

Auteur : rachid imekhlef



ANFIYI AD ARGUGH" Laisse-moi rêver"
Anfiyi ad arguγ
Di ddunit tayed deg yides
Di tirga a dewﻉuγ
Ayen akken di ttader yiles

A lward lyasmin
Awin id rebban waman
Deg durar timdinin
Γer wudem-ik medden akk dsan
Ssarmaγ-k dufrin
S nniya ak xedmaγ lehsan
Ttimetti iyirwin
Ansi kkiγ nnan attan
Nek ul d amudin
Felli yebﻉad wayen illan
Tuqten w at tismin
Γurek argel-niyi ibardan

Ik yahwan inek
Ulac zzarb iw ﻉadi
Tenza rriha inek
S ssuma bbayen ur teswi
M-id-qarbeγ γur-k
Ifassen ssewﻉaden-iyi
L-aqqaren ullamek
Kren-d nnan d awezγi
Yegrad yisem inek
Yis a yeshetrif yimi

Fihel ay dessiwled
Ur-d-ttnadi ur-d-ttnadiγ
Ad ruheγ truhed
Di sﻉayak nekk ur lliγ
Di lbarj ﻉlayed
Nekk ur zmireγ ad alliγ
Ya limer ad tfahmed
Tayri d wazal ik-fkiγ
Di tirga tzedγed
Mi mdelγ ak-waliγ
Felli ﻉzized
Deg wul-iw ak-ttawiγ