Adaoun Abdelghani présentant son livre Tala n Yinzan

Adlis-a, d ammud n yinzan i d-yerra Adaoun Abdelaghani seg timawit ɣer tira, ɣef wakken i d-yura gar yiswiyen n leqdic-is, ladɣa imi netta d anelmad n tmaziɣt deg tesdawit n Tizi Uzzu. Ad naf deg udlis azal n 950 n yinzal yemseḍfaren ɛlaḥsab n yisekkilen n ugemmay. Anelmad-a, yerran anadi deg uḥric-agi n tmaziɣt d iswi, yeẓra azal n yinzan deg tmetti, ama seg tama n ttrebga, ama seg tama n tsekla neɣ n umezruy imi yal lemtel d inigi ɣef tallit-is, d aseḥbiber ɣef tutlayt, d tiẓedt n wawal. Yeffeɣ-d udlis ɣer tizrigin Richa Elsam, yettnuz s 150 DA. Taɣuri igerrzen.