معسكر - Mascara
  1. معسكر -
  2. البلديات
  3. مقالات
  4. معسكر

خبز الدار



خبز الدار
الوصفة بالتفصيل الممل
كيلة سميد مع كيلة فرينة (كيلوا بالبول تاع الشربة الصغير ولا علبة لابال تاع 500غ باش تجيكم خبزة كبيرة
بسسوهم بثلاث مغارف زيت ( نقصد الملعقة الكبيرة تاع الطنجرة ماشي تاع الاكل وماشي لالوش)
زيدوا بيضة وملعقتين اكل معمرين سكر
ملعقتين اكل خميرة الخبز (اذا متحبوهش عالي بزاف ديروا غير ملعقة في الصورة درت ملعقة فقط)
زوج ملاعق صغار ملح
ونلم بالماء كما الكسرة
نحضر الحليب دافيء ونبدأ نعجن كما المسمن
نعجن ونضيف الحليب حتى نتحصل على عجينة تتلاصق وكي تهزيها تطيح من يدك
خلوها تخمر في اناء وغطوها
كي يتضاعف الحجم هبطيلها الخمير
اذهني البلا واطرحيها
اذهني الوجه بصفار البيض مع القليل من القهوة
ورشي السانوج ولا بذور السمسم
واتركوها تخمر مرة اخرى
ومن بعد طيبوها
ملاحظة : نسيت ما قتلكمش تحطوا السانوج بعد الانتهاء من العجن باش ما يقطعلكمش العجينة
واليوم راني استعملت بذور السمسم حمصتهم وضفتهم في الاخير في العحينة يجي ذوق رائع
في العادة نحط ثلاث ملاعق سكر عوضا على زوج ويجي طعم يهبل



  1. تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
الاسم و اللقب :
البريد الالكتروني : *
المدينة : *
البلد : *
المهنة :
الرسالة : *
(الحقول المتبوعة بـ * إجبارية)