ادخل مستغانم فيها لا تعجل

ادخل مستغانم فيها لا تعجل.... اطلب سيدي سعيد و رجال اللديوان
سيدي عبد الله حجاب المتجول ....قاصد حرموا لا يخاف و لا ينهان
القتلة مضمونة و ضامنها الاول... سيدي عبد الله و سيدي احمد الان
خيمة وسط قبيل حكمه في جدول.... محدودة ببلان
خطار للغمري دور على يلل.... و شرق غربي غيليزان
بني زروال سهل ......حدك عشعاشة من تما كسان
و هاذوك مجاهر كان على الساحل.... مسك الغنائم ديما مزغران
واد المقطع لارزيو وسول .......و ناس حميان
ارجع سيرات فيها و تامل.... هديك بلاد العز سجلها مضمان
سيدي الشارف مريض المستقبل.... زور رجال القنترة في اربع اركان
خمسة كل النهار العسة تتبدل...... منهم للهيبة حدهم فلان وفلان
في واد الخير ياك زور هذاك سموه عبد الرحمن
راعي الحمراء سلطان اهل الفضل..... مصباح الظلمة ظاوي كل زمان
من سيدي بوزيد زيد بلحول..... ووقف بالشلف سلطان الويدان
سيدي عفيف لهيه و الوالي الاكحل..... مداح الرسول صاحب الفرقان
سيدي سعادةزيد للمتوصل..... بن قدور و بوه قدار الشجعان
يسدي بلعسل باب فيه ....صلي ركعتين و اطلب الغفران
اتهلى نوصيك لا تغفل...... زور رجال الشرق حويطة و مكان
نوصل للظهرة قبل سيدي يوسف الشريف و بن عثمان
و اهل القطار بيهم نتامل....... و سيدي خطاب لا يجوزك و لوكان
ادخل مستغانم فيها لا تعجل..... اطلب سيدي مستغانم و رجال الديوان
سيدي عبد الله حجاب المتجول..... قاصد حرموا لا يخاف و لا ينهان
للشرق و الغرب و الصحراء و التل..... منهم مولى بغداد حتى للسودان
تتفضل من فاس و مكناس مدن و عربان شكر مجاهر عندى ما يتمل ....
ادخل مستغانم فيها لا تعجل ......اطلب سيدي مستغانم و رجال الديوان
سيدي عبد الله حجاب المتجول..... قاصد حرموا لا يخاف و لا ينهان.

هذه قصيدة للشاعر ناصر حجاج و قد نقلتها سمعا و كتبهاشوهت نوعا حاولت ان لا اشوهها لاني كتبتها سمعا وهي مصدر لتاريخ مستغانم