وصفة مقارون بالبيشاميل روعة

الوصفة 🌺 غلي مقارون تاعك فالماء و ملح عادي مبعد صفيها فكسكاس و ارمي عليها ماء عادي باش يحبس الطياب و ما تتعجنش . في مقلة ديري شوية زيت و قلي حبة بصل مقطعة صغيرة ملح حتى تذبال و خلطيها مع القارون . البيشاميل بالزيت 🌺 حطي فكاسرول 50غ زيت و 50غ فرينة ورقة رند سنة توم بلا ما ترابيها ملح و 1/2ل حليب خلطي كلش مليح بارد في بارد وحطي فوق نار متوسطة حركي حتى تبدا تثقال نحيها و نحي سنة توم و رند و زيديلها رشة فلفل اسود و جبن مبشور خلطيها و فرغي شوية فالمقارون خلطيها مليه ادهني المول تاعك بشوية زيت و فرغيها سويها مليح و كملي لي بقا من البيشاميل فرغيه على الوجه و زيدي رابي عليها شوية جبن دخليها لفرن سخون على 180° درجة 15د من تحت مبعد حمريها من فوق . و بالصحة