#بركوكس بنين وساهل ماهل😋😋

نحكم طنجرة ندير طراف تاع الجاج نرحي بصلة كبيرة 3ملاعق كبار زيت عادي ملح شوية فلفل أسود ونصف ملعقة صغيرة فلفل عكري حلو وملعقة كبيرة طمام مصبرة وشوية كصبر مرحي ونقليهم مليح واحد 10 دقايق ونرمي شوية كرافس ونقطع 3حبات ولا4زرودية(الجزر ) مربعات 2حبات كرجيت(قرعة) وحبة بطاطا والا عندك اللفت ديري حبة ولا زوج يتقلاو شوية ونمرق ونخليه حتى يطيب الجاج نقطرو ونزيد الماء ونخلوه حتى يغلي نحكم البركوكس الا كان يابس نغسلو مليح ونديرو فكسكاس يقطر كينشف نديرو فقدر فيه الماء كيغلي نحطو البركوكس يفور منغطوهش كي يفورنحطوه فجفنة ونحلو بيدي ندهنو بشوية زيت الزيتون ونخلوه يبرد شوية ونفرغ فوق المرق ندير شوية حمص ونخلوه يطيب على نار متوسطة كيدخلو الطياب نرمي حبة فلفل ونخلوه يطبخ نديرلو شوية حبة حلاوة مرحية ونعاود نجيب الجاج اللي طاب نفرغو فوق البركوكس يطبخ واحد 5 دقايق الا حبيتو لونو احمر زيدو طماطم مصبرة وحركو بملعقة خشبية باش ميلسقش كطيب نطفو وونجدو جفنة وفرغوه فالجفنة باش ميتعجنش ولا حبيتو تنحو شوية مرق قبل مديرو البركوكس كاين اللي حبو جاري وزينوه بالكصبر والمعدنوس وبصحتكم❤️❤️