نأخذ رطل فرينة نغربلها ندير بيضة ملعقة كبيرة حليب بودرة وملعقة كبيرة سكر وملعقة كبيرة خميرة الخبز ماشي معمرة وملعقة صغيرة ملح و4ملاعق كبار زيت زيتون ولا عادي وندير الماءالدافىء ماشي سخون بزاف ندير بالعقل بالعقل حتى نتحصل على عجينة طريةتتلاسق شوية نغطيها ونخليها 10 دقايق ندير الفرينة فمكان العمل نفرغ العجين ونزيد نرشو بالفرينة نعجنو زوج دقايق ونديرو خبيزات صغارقد حبة تاع لمسمن وندير شوية فرينة مالفوق والتحت ونبعدهم على بعضاهم نغطيهم بساشي نخليهم حتى يخمرو ندير المقلا تسخن ولا طاجين نخليها على نار متوسطة وندهنها بالزبدة ونحل العجين على شكل دائري ونديرها رقيقة ندير الحشولازم يكون بارد نديرو فالوسط انا درت شكشوكة بالبصل والطرشي لحمر والاخضر والا حبيتي زيدي الحار وزدت شوية شيدار نغلقها كيما سوفلي ونضغط بصباعي مليح ولا بالفرشيطة ونبدا نطيب على نار متوسطة نقلبها كتحمار ونشوفهم طابو نحمرهم فطروف ونحطهم والحشو ديرو واش تحبو وشهية طيبة 😋😋😋😋 هادي لعجينة تقدرو ديرو بيها البيتزا 👍👍👍💯💯💯
-
تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
تاريخ الإضافة : 17/01/2023
مضاف من طرف : cuisinealgerienne
المصدر : facebook.com/nadjouafe