حريرة تلمسان(حريرة الفرينة)

المكوّنات
2 حبات بصل
قطع لحم (دجاج غنمي او مفروم)
7 حبات زرودية
1 حبة بطاطا
1 كورجات
ربطة قصبر
2 حبات طماطم
ملعقة صغيرة:زنجبيل كركم حبة حلاوة راس حانوت كروية
ملعقة كبيرة ملح فلفل احمر طماطم مصبرة
كعبة جومبو
فص ثوم
ملعقة سمن
فنجان حمص
3 معالق فرينة
كاس ماء
نخليوهم ليلة كاملة في ثلاجة
الخطوات
نضع في طنجرة زيت ملعقة نقلي اللحم ونضيف الخضر مقسمة على 4 نقليو نزيدو ملعقة طماطم مصبرة ونمرقو ونديرو قصبرة وملح كركم وسكين جبير فقط وحميصة نغلقو طيب


بعد ما طيب نصفي حمص ولحم نفوت في جهة ونرمي قصبر ونطحن الخضر كلها ونمرقو لنتحصل على مرق بين الثقيل والخفيف نكونو من قبل وجدنا خميرة اللي هي فرينة وماء في ثلاجة ايا كتطبخ حريرتنا نضيفو ديك غرينة فير بشوية مع تحريك حتى متتكورش خاصة كتكون مرة الاولى تجربيها بشوية صبي مع التحريك وراكي تشوفي قوام بلاكي ثقليها مديتلكم عبر مرميطة 4لتر تقدري ازيدي فرينة باه تتخصلي على حريرة ثقيلة بصح ماشي بيطون ههههه



كتطبخ وتتاكدي من قوام تبان من الاول تبدا تثقال ايا زيدي ملعقة طماطم مصبرة وملح شوية خطرش تزيدي جومبو وراس حانوت وفلفل احمروخلطي خليها تغلي عاد نقصيلعا غطيها باه ما تنشفش طيب في ق45د للغاز ناقص جدا


في غرفية وجدي داك حمص مع قصبر مقطع فص ثوم مبشور ملعقة سمن وملعقة كروية وجومبو ولحم مفتت كتبقا 5د باه تطفي ضيفي هاد الخليط تطبخ طفي الغاز وشهية طيبة


تحبيها تجي فيها حبيبات تقدري ضيفي ملعقة تشيشة او ارز او شربة