طريقة عمل حلوة القطايف بالباقلاوة

المرحلة الأولى نأخد كمية من لوز او كاوكاو نحمرهم في الزيت قليلا و نحطهم على الورق النشاف حتى يبردو ونطحنهم خشان ونضيفلهم كمية قليلة من السكر و رشة قرفة و نبالهم قليلا با ماء الزهر
المرحلة2
نأخذ ورقة من عجينة الفيلو الجاهزة نطويها على 2 تم نأخذها با الطول وندهن سطحها با الزبدة الذائبة تم نأخذ عصا رقيقة و نعملها حسب الصور تم نصفها في المول الكابكيك مدهون با الزبدة
المرحلة 3
نأخذ ما تبقى من الحشو و نضيفلو شوية سكر و نلمو با الماء الزهر ونعملو كويرات
نأخذ القطايف ونحلهم مليح و نبللهم با خليط من الزبدة و السمن المذوب و نعمل منهم كويرات بلا ما نضغط عليهم بزاف ونحط في قلبهم الحشو لي وجدناه و نحطهم فوق البقلاوة لي عملناها و نوزع عليهم ما تبقى من السمن و الزبدة الذايبين و نحطهم في الفرن على 180 درجة حتى يتحمرو مليح و نعسلهم مليح با العسل المخفف قليلا با ماء الزهر فور إخراجهم من الفرن