وصفة من الشرق الجزائري الشخشوخة المسيلية او البوسعادية

(عندنا فالجزائر بزاف بزاف انواع تاع شخشوخة كل منطقة تختلف عن الاخرى)
فتات الشخشوخة 💚
دقيق اي سميد رقيق و ملح و ماء يعجن جيدا حتي تولي العجينة ملساء تقسم العجينة لي كريات صغيرة و نخلوها ترتاح ثم نضع كل كرتين فوق بعضهم و نحلوها كبيرة هاد النوع يجي شوية سميك و يسمى مركب و تطبخ فوق الطاوة مع رش قليل من الزيت ثم نفتت الورقة الي قطع صغيرة
مرق الشخشوخة💚
نضع قطع اللحم في القدر و يفضل تكون كبيرة و من النوعية الجيدة المشحمة يضاف راس ثوم مرحي و تقطع 3 حبات بصل و حبتين طماطم الي القطع صغيرة جدا تضاف و ملعقتين كبيرتين طماطم مصبرة و التوابل(ملح، فلفل اكحل راس الحانوت، كزبر مرحي، القليل من الثوم و البصل المرحيين، فلفل حار، فلفل بارد القليل جدا من زريعة البسباس) و فلفل دريس اي فلفل حار مجفف يهرس و يضاف و طماطم مجففة و ملقعتين من الهريسة المنزلية و القليل من الحمص و نصف َكاس زيت و نصف كاس ماء يمزج الكل و يقلي علي نار هادئة جدا بعد ان تقلي تمرق بنصف لتر ما و تبقا تطيب علي نهار هادئة حتي يطيب اللحم و يختار المرق
هنا ننزعو قطع اللحم و نضع الفتات لي حضرناه داخل المرق و نجمروه دقيقتين و نطفو عليه و نقدمو الشخشوخة فالجفنة و تزين بقطع اللحم و الفلفل الحار مقطع قطع صغيرة و البصل الاخضر مقطع قطع صغيرة هادا السر تاعها و الكسبر اي الحشيش و يمكن اضافة الزبدة الحرة هاد الاكلة تجي بزاف حارة و بصحتكم👍