طريقة كفاه تحمرو الدجاج فالبيت وتتحصلو عليه أحسن من المحلات

المقادير
دجاجة نقيوها مليح شوطوها قليل اغسلوها بالماء+الملح+الخل
التوابل (م ص يعني ملعقة صغيرة _م ك يعني ملعقة كبيرة )
م ص توابل الدجاج+م ص كركم +م ص بودرة البصل
م ص بودرة الثوم+م ص حمار(فلفل عكري) +م ص زنجبيل
م ص توابل راس الحانوت+م ص ملح +كمية قليلة زعيترة
كمية قليلة اكليل الجبل+م ك ونصف جبن طازج (ياغورت طبيعي)
م متوسطة طماطم مصبرة +2م ك عصير الليمون او الخل
م ك زيت +م ك مارغرين+م متوسطة ونصف موطارد (خردل)
نخلط كل المقادير جيدا
الدجاجة نملحها من الداخل والخارج وندهنها جيدا بالثوابل
ثم نحشيها ونخيطها ونربطها الخيط جيدا الأفراد+الاجنحة ورولي عليها الخيط ونركبها فالآلة الخاصة بتحمير الدجاج فالفرن وندخلها للفرن نضع تحتها بلاطو ونخليها تدور وتتحمر
ليدام ليهبط فلبلاط مرة على مرة هزوه بالملعقة وحطوه فوق الدجاجة باه تجي طرية كتطيب ثم تقدم مع البطاطا او الأرز أو الخضار سوطي او لابيري
الحشو
نصف كاس روز مغلي مدة 10د+50غ لحم مرحي+نصف حبة ليمون شراءح+2ورقات رند+م ص مارغرين+ن ك ياغورت طبيعي+كمية من الخليط تاع التوابل لتبلنا بيهم الدجاجة