مقيرط تلمسان (مقروط البيض)

وصفة تقليدية رائعة معروفة جدا في تلمسان نتمنى تجربوها وتدعيولي

المكوّنات
500 غ سميد متوسط
2 م/ك جلجلان (سمسم) محمص ومرحي
2 م/ك كاوكاو (فول سوداني) محمص ومرحي
125 غ سكر
125 ملل زيت (10م/ك)
م/ص فانيلا
4 بيض او 5 حسب حجم البيضة
قشور حبة ليمون
قرصة ملح
0.5 كيس خميرة كيميائية
الخطوات
اولا: نحمص السميد على نار هادئة حتى يكتسب اللون الذهبي انا استعملت (مولى المتوسط) ونخليه يبرد


في اناء نضع المكونات المذكورة اي السميد+السكر+الجلجلان+الكاوكاو+الفاني+الزيت+قشور الليمون+قرصة الملح


نحك جيدا بكفي اليدين حتى تدخل جميع المكونات ونحصل على هاذا الخليط


نترك الخليط يرتاح مدة نصف ساعة وبعد ذلك نضيفله الخميرة ونقسمه على ثلاثة اقسام


ناخذ النصف الاول ونضيفله البيض تدريجيا بلاما نجريه حتى الحصول على عجينة طرية ومتماسكة الى نقدر نشكلها ونتبع نفس الخطوة مع القسم الثاني والثالث حتى نكمل الخليط


نشكل حربوش(بشكل اسطواني) ونقطع مقيرطات صغيرة لانو فيه الخميرة والبيض ورايحين ينتفخوا في المقلة (وعينكم ميزانكم)


نسخن الزيت في مقلاة وعلى نار هادئة نقلي حبات المقيرط وغي نحمرهم ما يطولوش في الطياب (النضج) لانو السميد محمص وغي ينشفو مالبيض ومباشرة في العسل


نقطروهم مالعسل ونوضعهم في طبق التقديم


ملاحظة:ممكن نعملوه على شكل كويرات مثلما هو موضح في الصورة

بنتو ولا اروع يقدم مع الشاي او قهوة وخاصة في سهرات رمضان (اتبعو الخطوات ورايحين تنجحو فيه باذن الله وشهية طيبة وجد مشكورين على المشاهدة والاعجاب