مقروض أبيض باللوز

المكونات
كغ فارينة
رشة ملح
كيس خميرة مرطبات
كيس سكر فانيليا
كاس زيت
500غ لوز مرحي
250غ سكر
ماء ورد
للقطر:
1كغ سكر
3 أكواب ماء
ليمونة واحدة
أربعة ملاعق كبيرة عطرشية
طريقة التحضير
يحضر القطر بإذابة السكر في الماء ،يوضع في إناء فوق نار معتدلة ، يضاف إليه عصير الليمون وملعقة من ماء العطرشية.
يحمر اللّوز في الفرن ثم يرحى خشن يخلط مع السكر وماء الورد
تغربل الفارينة و يضاف إليها الخميرة و الفانيليا و الملح
يوضع عليها الزيت أو الزبدة
تعجن المكونات مع بعضها حتى تتبسس ثمّ يضاف الماء الدافئ و تعجن حتى نتحصل على عجينة متماسكة تقسم إلى كويرات و تغطى و تترك لترتاح مدة نصف ساعة.
في الأثناء يشكل اللّوز قي شكل أعواد 1صم
تأخذ كل كويرة على حده و تحل بالقلقال على الطاولة حتى يصير سمك الورقة 1مم تقريبا توضع الحشوة على حافة الورقة و تبرم 3 مرات ثم تفصل عن بقية الورقة و تقص في شكل مقروض و تدخل للفرن مدة 10 دق ثم تغمس في الشحور(القطر) خفيف و يقدم بالشفاء.