صابلي تشاراك بشوكولا

250 غ زبدة طرية
كاس سكر قلاص
3 حبات بيض
نص كاس زيت
كاس كاوكاو مرحي او محمص
كاس بيسكوي مرحي
5 ملاعق كبيرة مايزينة
ملعقة لفاني
ملعقة صغيرة خميرة حلويات نوارة
فرينة سيم
طريقة التحضير 🥰
في إناء درت زبدة طرية مع كاس سكر قلاص او خدمتهم مليح بلباتور تم نضيف عليهم زيت او نكمل نخدم بلباتور تم نضيف البيض بلوحدة او نخلط نزيد نضيف كاوكاو او نخلط نزيد نضيف بيسكوي او نخلط تم نحبس باتور او نضيف مايزينة او نخلط بيدي او لفاني او نبدى نضيف فرينة بشوية مع ملعقة صغيرة خميرة حلويات او نلم العجينة تاعي خليها طرية غطيها بكيس بلاستيكي تريح مدة 10 دقائق او شكليهم كريات وزن الوحدة 30 غ كي تشكليهم كامل كريات او توزنيهم تجيك خدمة ساهلة باش تكليهم تشاراكات او ديريهم في سنيوة تاعك تكوني سختني الفور تاعك مليح علا نار هادئة ديريهم يطيبو كي تشوفهم طابو من لتحت او حمارو نحيهم او خليهم يبردو مليح باش تقلاسيهم
قلاصاج
درت 2 علب شوكولا قلاصاج دادا ذوبتهم في حمام مائي كي ذابو مليح ضفت عليهم 2 ملاعق كبيرة زيت او نص كاس كاوكاو محمص او مرحي حوالي 4 ملاعق كبيرة خلطتهم مليح او بديت نقلاصي فيهم بلوحدة او خليهم ينشفو مليح
تزيين اختياري 🥰
ملاحضة 😍 هاد الكمية دارتلي 45 حبة
ملاحضة 😍 هاد قاطو يجي طري يذوب فلفم مالا غير تخرجيه من الفرن خليه حتى يبرد باش ترفديه باش ميتكسرش
كي طيبيهم خليهم يبردو مليح باش تقلاصيهم
بصحة أو الراحة عليكم حبوباتي 🥰🥰😘
تحبي اكتر من 45 حبة ضاعفي المقادير
تفاصيل أكثر تابعوني على انستغرام ❤👇👇
https://www.instagram.com/salimaoughari/