شخشوخة بسكرية

حطي اللحم مع زيت والبصل اكون مقطع مربعات صغيرة وكمية كبيرة لأنها تحب البصلة بزاف وزيدي توابل رأس الحانوت فلفل عكري حلو وفلفل احمر حار وملح وفلفل اسود وعود ولا زوج قرفة وقلي مليح وزيدي طماطم حب مرحية وطماطم مصبرة ومرقي
كيطيب اللحم جيبي غرس مع فرماس وطيبيهم وامرسيهم ولا ارحيهم فالروبو وصفيهم وزيديهم للمرقة ولازم تكون خاثرة وحلوة وحامضة شوية
من جهة أخرى طيبي بطاطا وحمريها وحمري دجاج اذا عندك وطيبي حمص
حطي الرقاق فالتاجرة وزيني بالبطاطا والبيض مغلي والحمص فالوسط والزبيب مفور واللحم محمر والدجاج وسقي بالمرقة لتكوني صفتيها
شهية طيبة للجميع