باذنجان مع خلطه الخل والتوم
شرائح باذنجان
خل
توم مفروم
فلفل احمر مقطع صغير
بقدونس او كزبره خضراء
ملح
رشه من السكر
كمون
- نرش ملح على شرائح الباذنجان ونتركها ل١٥ دقيقه هنلاقيه نزل ميه نبدا بفوطه المطبخ الكلينكس او فوطه مطبخ عاديه نضيفه نمسحه من الميه ( الخطوه دى عشان وهو بيتقلى ميشربش زيت كتير وكمان عشان ساعات الباذنجان بيكون فيه مراره فالخطوه دى بتقلل من المراره كتير )
- اما بنقلى الباذنجان فى زيت غزير او فى الاير فراير مع مسحه زيت او فى الفرن او على الشوايه بنمسح على كل شريحه من الناحيتين بزيت ونشويه
- خلطه الخل والتوم اما بنخلط المكونات كلها مع بعض على البارد وممكن نزود معاها الفلفل الاحمر حسب الرغبه
- او بنضع معلقه زبده يدوب تسيح ننزل بالنوم يدوب ريحته تطلع ننزل عليه بالخل وباقى المكونات الطريقه دى عشان الى مبيحبش طعم التوم نئ
- اول ما نطلع الباذنجان من الزيت ونصفيه على ورق المطبخ ابدا ارص فى طبق التقديم وبالمعلقه نضع عليه من الخلطه ويقدم
- وممكن لو متاح بنضيف على الخلطه معلقه من صوص الريحان بتدى طعم تحفه
تاريخ الإضافة : 08/04/2025
مضاف من طرف : cuisinealgerienne