امحروس انوغلان القيرع محمد

القيرع محمد بن باحمد اقن سمجاهدان نات امليشت دقن سالتجارامقرانان تم نالشلف مع وخدانمس يتوغ انده يد تقراولة اودم نتومان يجد اقن امزروي انغ التاريخ تمدورتس امار نالاستعمار اتوطف اسن 16 جوان 1945 اماس ندزير اتوتهام انعار تمسشانين 08 ماي 45 يقم الحبس المدة نوسقس.اسقس 1959 اطفان غرس اتومان اجار 25 نالدراديو ايتوغ اتازنتان غال امجاهدان ددوموان نترنايت افلان سوفوس انبكير كربوع عين الذهب اد بن عبد الله تم نالشلف يقم الحبس المدة انسن ايارن بعد ايخلص امضان شارد نلمليان فرنك .
اماشي ايقم اتومرقاد لحبوسات جار مناو اغرمان ال 1961 مان يرول غال وغلان يوتف مع الجيش نالطالب احمد ايرول ادس سوغرم انبريان غال تغردايت بعد الزيار اتدج فرنسا فوغرم انبريان اتبراس فترباعت انطالبي احمد ايرول غال تغردايت.
القيرع ابد يد الطالبي احمد دمدتشلان سعيد عبادو دحمودة ابراهيم اتوغان اتوجدان اوسحراش نالحالة تم انوغلان دتنري دوبدي يد الاستعمار ايتوغ يوفو لهناء اغلان.
اماشي ايتوغ احضر ادوملاقة جار ترباعت نالطالبي احمد اد الاعيان دمقرانان اموني تدارت انحمودة اماس نتغردايت يتوغ اسفهام مدان اعاون نالثورة دوعاون نمقرانان اتوغان اتوجدان اقن المخطط نوسواغ نالحالة اغلان فالاستعمار.