![اسونجم نناير اغزر انوغلان](https://www.vitaminedz.com/images/puce.webp)
اناير انغ انار دسم اتسامان امازغان فوسقس اجديد ايتصادف مع وبدى نيور نجانفي ناش اسقس . اسونجم نوسقس اجديد ادقل غال 950 نسقسان قبل اتلاليت نسيدنا عيسى مان دس ايسعى دس اجليد نمازغان ششناق فرعون مصر يدولد دقن وسد زعلوك غال مدنو اترقبان دقن وس الان دس البركة دالخير.امازغان اسونجمان اض 13 اناير اسقس اجديد امبصح ات اغرسان اغلان اسونجمان اناير اسقس اجديد اض نسا ديور نناير مان مدان زدغ الان اطفان اسدر نالعادة نناير اسقس اجديد نمازغان سمناوت لعوايد اغرسنت ازور امزروي.مدان اسارمان سوسقس اجديد اديلي دسقس نالخير دلهناء دتيفاوت فمدان اتقنان اسقس ستمورت دتكرزت الان دالساس نتمدورت نات اغرسان اغلان .اسقس اجديد اتاسد مع وقدى نوسان نونكاض نتيني تجموين مان دقت المناسبة نوسدج نتويزاوين انوصافا نتجموين دتصانباد دغولاد نوسوف باش امان نوسوف اضوضان غال ايولو تمو دلغوابيتواشولين تدار اتوجدنت دغنتنتي اس نناير سومودي نارفيس دمبدال نالزيارات جار توات اماس نلمني اسارمان وسان نلهناء اسوتورن سيوش امقران وسان نلمان دتزمارت اسوتورن دفر اعزام نمناو تسوراتين نالقران دتواتروين سيوش امقران باش ادرزق يحفظ اغلان امدناس سايولو المصائب.ادقم اسدر نناير يدجور اتواتى تروى نمارو الان اقلان ادفر اكل بيلا شرى يقان سلعوايد دومزروي نات اغرسان يلزم فمقرانان تدار دغربازان اسولاغ نالعادة اتوغان امزوار اطفان دس توغان تلعان سوتاف نوسقس اجديد الان يقان ستكرزت دتمدورت .دقن وس اتشماران دس ووران اسوتوران يوش امقران باش ادسنمار اسقس اجديد سالخير ادلهناء. أسُقّاس دامبرش أايولو إمازيغان.
-
تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
تاريخ الإضافة : 06/01/2017
مضاف من طرف : presse-algerie
صاحب المقال : تغردايت الشيخ باعلي واعمر
المصدر : www.ech-chaab.net