حلوى دزيريات

العجينة
1 كيلة لي خدمت بيها هي كوب كيما نتاع ام وليد كي تبقالكم عجينة غلفوها مليح و حطوها فلمجمد كي تحبو تخدمو بيها اجبدوها تطلق روحها و تخدمو
4 كيلات فرينة مغربلة
1 كيلة ناقصة صبع زبدة توريق صالحة مذابة دافية مش سخونة
ملعقة صغيرة فانيلا
ملعقة صغيرة ملون ابيض
1/2 بيضة
نلم بمزيج ماء وماء زهر دافيين لازم دافيين
ملاحظة مهمة متتبسسوش لحو كلش ولمو باه مديرلكمش حبيبات نغطيها مليح لازم تبات ليلة كاملة فثلاجة ونجبدها ساعة بحرارة غرفة ثم نخدم بيها
الحشو:
ملاحظة مهمة لوز لازم يتسير سيار رقم 16
600 غ لوز حبات ابيض مرحي مسير مش محمص
300 غ سكر عادي" حرش"
2 ملاعق صغيرة معمرة فانيلا بودرة
2 ملاعق كبار مارغرين طرية مش معمرين
مبشور 2 حبات ليمون كبار
نعاود نرحي سكر مع لوز شوية رحية خفيفة
نحتاج بيض حبات كاملة
ملاحظة مهمة حشو نعطيلو لازم يبات ليلة كاملة قوام حشو طري
نحللها فلباراي رقم 1 ثم 3 ثم 5 ثم 6 قطاعة خدمت رقم 90
حشو 45غ قطاعة 90
شاربات
1 كوب سكر حرش
2 اكواب ماء
1 كيلو ونصف عسيلة
ملاحظة كمية تعسال اقسموها على نصف
بنسبة شاربات تغلي نحسب 10 دقائق نخليها لازم تكون دافية وعسل بارد ونخلطهم مع بغض باه يتجانسو
ملاحظة مهمة بعد ما نشكل دزيريات لازم يباتو ليلة كاملة باه نطيبوا 170 °