دولمة الشوفلور 🍲🥦

✅المقادير :👇🏻👇🏻
حبة شوفلور 🥦،صدر دجاج 🍗، حبة بيض 🥚، معدنوس 🌿، شابلير ، ملعقة صغيرة ملح 🧂، نص ملعقة صغيرة بابريكا، فلفل اكحل ،كركم
✅المرق :👇🏻👇🏻
حبة بصل 🧅، ثلاث سنينات ثوم 🧄، زوج حبات طماطم 🍅،طرف تاع جاج 🍗، مغرفة الا ربع طماطم 🥫 مصبرة، كاس حمص مشمخ ، شوي معدنوس ،🌿 2 لتر ماء 🫗 سخون ، نص مغرفة كبيرة بابريكا ، مغرفة صغيرة فلفل اسود ،ملح 🧂، ثلاث مغارف زيت 🍶
👈🏻👈🏻نحضر المرق، في كوكوط نحط الزيت و نقلي طرف الجاج حتان يحمار مليح نرحي البصل و الثوم و نضيف نصف الكمية و نعصر الكمية المتبقية من الماء و نضيف هاذاك الماء في الكوكوط،نخليه يتقلى خمس دقائق
👈🏻👈🏻 مبعد نزيد طماطم المرحية و المصبرة مع الملح و التوابل و الحمص كطيب الطماطم نمرق بزوج لتر من الماء الساخن نغلق الكوكوط طيب عشرين دقيقة
👈🏻👈🏻 الشوفلو نديرو في ماء مع مغرفة خل باش يحافظ على اللون نتاعو ،نطيبو على البخار،نحي العيدان و نستخدم غير الجزء السفلي ،نعصرو مليح مليح في فوطة نظيفة لازم نتخلص من كل الماء الزائد ،نضيف عليه صدر الدجاج المرحي ، البيض، التوابل، المعدنوس، و هاذا البصل و الثوم اللي عصرتهم نخلط و نضيف الشابلير حتان نتحصل على عجينة متماسكة ،نشكلها اصابع نرمدها في الفرينة و منكثرش بزاف ،نقليها على نار متوسطة لازم تحمار مليح باش شكل نتاعها يجي شباب،
بعدما طاب الحمص نحي الجاج و نضيف اصابع الشوفلور إلى المرق نخليه خمس دقائق و نطفي، المرق يولي عاقد و نحطها في صحن التقديم