كعك وهران

🍃المقادير :
∆ كاس سكر
∆ كاس ماء دافي
∆ كاس حليب دافي
∆ نصف كاس زيت
∆ زرارع زريعة البسباس شنان حبة حلاوى
∆ ملح، فانيلا، كيس خميرة الحلوى وزن 10غ
∆ مغرف كبيرة ونصف تاع خميرة لعجين
∆ 2_4 مغارف ماء الزهر
∆ حبة بيض
∆ فرينة حسب الحاجة
🍃 الطريقة :
جيبي صحن كبير ديري فيه كاس حليب دافي و كاس سكر عادي ماتقولوليش السكر بزاف 😅
كاس ماء دافي
4 مغارف كبار ماء الزهر
مغرفة كبيرة و نصف او حتى اثنين خميرة العجين خلطيهم بيديك او حتى بالمغرف حتى ايذوب السكر
هنا زيدي عليهم 👈
∆ مغرف كبيرة تاع شنان يتباع عند العطار
∆ مغرف كبيرة زريعة البسباس
∆ مغرف كبيرة حبة حلاوة
∆ زاست ليمون أو برتقال أو فانيلا
∆ مغرفة متوسطة ملح
خلطي كلش مع بعض جيبي الفرينة انا داتلي 6كيسان و نصف تاع فرينة مع باكي تاع خميرة الحلوى ادلكيه غير شوية حتى تنطملك لعجينة رايحة تكون شوية تتلاصق عادي جيبي مغرف كبيرة تاع مارغارين و زيديها و عجنيها شوية باش دخلي كامل هاديك الزبدة ادهنيها بشوية زيت و حطيها تخمر للمرة الاولى مبعد هبطيلها لخمور و وزني 200غ او قطعيهم عين ميزانك انت تعرفي
مبعد ديري شغل ثقب في الوسط و بسطيهم على ورق الطهي قصي او قطعي شوية الاطراف للتزين و خليهم ايزيدو يخمروا مبعد جيبي حبة بيض كاملة مع شوة قهوة لي عندك طائلة و دهنيهم من الفوق
طيبيهم على 200 درجة و بصحتكم❤️