لعوايل أنلوراس امقران تقنت لعراس قبل مهدخلض العيذ امقران

يقيم العيذ امقران أسان بشام ادخلض واذعدا صصحث أذلهنا ذي الجزاير كامل، ماني استوجاذنت لعوايل انلوراس سلباس نالوقث ومن جال الشياي زربت اتقنت لعراس انسنت خاطر اتحبان اسلان انسن اذعيذ العيذ امزوارو انسن ونهنين رشل ذإجديذن.ماني إدولانت لصال انلعراس كامل اطواطفنت وتقن لفراح ذي كل سمانت، خاطر ما يفاث اخلضد العيذ هذجلت لعوايل كامل لفراح انسنت قلي انوسان ومن بعد اذولان اقداشن غنلقرايث ومن بعد تمرواحنت لعوايل ولتانت سالدريث انست سيرتو ثيا اقلا اتيلنت ذي البعذ واتافنت ذي الصيف الفرصة بشام اذرزفنت غن الفاميلت انسنت.
أذعقبش اس ذي باثنت بغير مهتسلذ الكورتجاث عقبن وذيسن لباس انلفراح، سيرتو لعوايل أقلا غرسنت إرقازن قجان رفذن الكونجياث انسن ذي الوقثاي، بشام اذكمل اسلي ازقن نالدين انس، وثغاوسوين اقلا تمايزت لعراس انلوراس امقران الباروذ اقلا يتوواث لباس بغير أذحبس ابراني اقلا أذحضيرش من قبل لعراس انلوراس بلي لعمات اقلا سي الباروذ كامل أقلا تشاثنت الفرق ذقخام نتسليث بغير أدسرقنتيد وبغير اتاوين ثداه نرقاز انس.
ثغاوس ثيشت ثتيلي مليح ذي لعراس الحني نرقاز أغلا نالعرس ماني هذبذون يوزذان ترواح وذينقس قلي الغاشي واذقيم نتا ذإسعيفن انس ذالفاميلت، واتساس يماس نسلي واتق امميس الحني ثقماس نسفن انس وأذفرحن ايس مليح. وثغاوس ثاني ورعان ثلا ذي لعراس انغ أرجاق إيماس نسلس، وحتى ماني ادرقن ذي الوقثاي الكادوثا، ورعان لباس انلعوايل تحابنت اذرجقنت الصوارد، خير خاطر قرنايث انوش الصوارد واندج لماليث نالعرس اذقن ايسن مات خسن.