الجزائر

اصبر يا خالي اصبر وتهلا زيد



اصبر لعلا الصبر من بعد يجود واصبر قالو عالصبر يغلب لعنيد شفت بعيني بالصبر يتنح الطود ومشعل للقاوري شمعات العيد وحنا ضلمتنا تعانقها ليهود بيك انتا نطحو محاسدنا لبعيد وحنا مازلنا هنا مازال رقود هوما سكنو فالسحاب الفكر جديد وفكرتنا هيا الطولة و القرمود هوما غي ورقة صغيرة للتاكيد وحنا عالورقة نجيبو زوج شهود هوما تيكنولوجيا فيها تعقيد وهنا كابر فالعوج غاشي معقود هوما واجيبات تملي حق السيد وانا حقي صاع والواجب نمرود هوما راهم كل حاجة بالتحديد وحنا رانا كل شي فات الحدود ابكي يا خالي وكسر ذاك القيد وسال الحرية عل الدمعات السود واقسملي بالنازلة قول النشيد  رافقني وارواحلي عند البونود واشهدلي قدام مفدي والشهيد  زابانا ومعاه ديدوش وزيغود عزو فالعشاق حيزية وسعيد وعزوني انا علا حاسي مسعود الشاعر/قادة دحو


سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
الاسم و اللقب :
البريد الالكتروني : *
المدينة : *
البلد : *
المهنة :
الرسالة : *
(الحقول المتبوعة بـ * إجبارية)