وصفة البقلاوة

خلطي اربع كيلات فرينة رشة ملح م ك فانيلا مع كيلة سمن دايب بارد حكي مليح شمخي بحوالي كيلة ماء زهر لميها جيدا العجينة جي طرية قد ملتخليها ترتاح جي ساهلة للخدمة
الحشو خلطي تلات كيلا لوز مرحي كما الطعام مع كيلة ناقصة سكر م ك فانيلا م ك سمن شمخي بالما زهر حتى يتندى مليح خليه بلاكي جريه يخرج من العجين خليه يرتاح
حلي العجينة بالمايزينة في رقم 2 ممبعد عاوني بالحلال وحليها مباشرة في رقم 9 ادهني مليح السنيوة بالسمن وابداي حطي فالطبقات حوالي ستة بين كل طبقة ادهني بالسمن الا الاخيرة ضعي الحشو مباشرة كرري نفس العملية مع الطبقات العلوية ادهني مليح بالسمن خليها ترتاح وطيبيها على 180 فالوسط حوالي ساعة لازم تعسليها سخونة تغلي لعسل تقيل وبارد خليها تبرد تماما ليلة كاملة و بالصحة