الرفيس القسنطيني
4كيسان سميد عادي مش رطب ومش خشين كاس ناقص صبع زبدة مخلطة مع زيت تقدري ديري كاس زيت وحدو مغرف صغيرة لافاني ومغرف صغيرة ملح نبسس الكل بلما مزهر وماء عادي دون عجن حتا نتحصل على عجينة نحطها فصينية فرن مدهونة بزيت منخشنها منرققها نقطعها مربعات بلموس وهي فصينية وندخلها فلفرن تاخذ لون اصفر خفيف من التحت والفوق خرجيها وهرسيها بالمهراس وارحيها بلروبو ونغربلوها بلغربال غليظ مش شرط تتغربل نرشو الخليط بالحليب قيمة كاس ونص كيما طعام باه يجي رطب كي يفور نحوه يفور تفويرة لولة كي يفور نزيدلها كاس سكر حرش فنجان ماء مزهر وكوكاو مرحي غليظ نرجعو يفور تفويرة ثانيا والاخيرة كي يفور نحطو فلڨصعة ومن نجيبو كسرونة ندير فيها نص كاس زبدة كاس عسل ذوبيهم اسقي رفيس حتى تتحصلي على رفيس رطب ومشمخ نحطوه فصحن تقديم ونزينو بسكر ڨلاصي وكوكاو و الجوز لوز حب او مرحي غليظ و تززين دايما اختياري 🥀
و الف صحة
تاريخ الإضافة : 12/09/2023
مضاف من طرف : cuisinealgerienne