سفنج المحلات بطريقتي

المكوّنات
2 كيسان ماء
2 كيسان فرينة
ملعقة ونصف خميرة خبز
2 معالق كبار سكر
المرحلة 2:
2 كيسان وربع فرينة
ملعقة صغيرة ملح
كاس زبيب
ملعقة كبيرة خل

الخطوات
مرحلة اولى خميرة وسكر نحلوهم في 2كيسان ماء نزيدو 2 كيسان فرينة نخلطو نخلوهم يتفاعلو 15د


بعد التفاعل نضيف زبيب خل ملح وفرينة نضيف 2كيسان نخليو 3 نخلطو ونشوفو نزيدو بشوية غسلو يديكم باش تعرفو هو جي رطب بصح خص ميلصقش في يد هاك متزيدوش فرينة غير ربع من كاس 3 يكفي نخلطو كطلعي يهبط بدون تقطع نخلوه يريح 5دونعاوظو نخلطو ونخلوه يرتاح نصف ساعة يتخمر


كيتخمر نهبطوه بمساعدة زيت نشكل كريات كنكملو نديرو مقلة بقليل من زيت نحميوها ونقصو غاز للاخر وثانية كسرونة عميقة زيت غزير نحميو نقصو غاز متوسط

نديرو اساور نحطو في مقلاة يتهوى يطيب على خاطرو حمو زيت باش ميشربش وكيحمار من تحت يصفار نردو للكسرونة يكمل طياب نقطروه ونقدموه بالسكر او العسل شهية طيبة للمزيد شوفو قناتي عاونوني