الفلفل ستفتو في سنيوة ومسحتو كامل بالزيت من كل الجهات و شويتو في الفور ثم قشرتو، درت صوص طوماط في مقلة درت شوية زيت درت خمس فصوص ثوم مسكرفجين مع زوج حبات طماطم مسكرفجين مع ملعقة كبيرة طماطم مصبرة ملح فلفل مرحي دواء راس حانوت وخليتها تتجمر ( منزيدش الماء) ،صلصة البشاميل درت زوج مغارف مرغرين مع زوج مغارف فرينة قليتهم شوية ثم ضفت زوج كؤوس ونصف حليب مع التحريك المستمر ثم ضفت اربع فرماجات شوية ملح وفلفل أبيض وواصلت التحريك حتى بدأت تثقال طفيت اما الحشو طيبت اللحم المفروم مع بصلة كبيرة مقطعة صغيرة مع ثلاث فصوص ثوم مسكرفجين شوية معدنوس ، ملح وفلفل اسود عندما طابت طفيت وخليتو يبرد شوية ضفت لو حوالي نصف كأس تاع البيشاميل باش يشد روحو ويجي معسل في مول يدخل للفرن فرغت صلصة الطماطم لي طيبتها ثم كل فلفلة قسمتها على زوج وعمرتو بالحشو وستفتهم في المول ثم درت صلصة البيشاميل على الوجه ثم الجبن المبشور ودخلتو الفرن قيس ما يذوب الفرماج
-
تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
تاريخ الإضافة : 08/07/2021
مضاف من طرف : patrimoinealgerie