#شطيطحة_البوزلوف

الوصفة: راس ورجلين الخروف يكونو مشوطين نغسلوهم مليح بعدها نغليوهم في قدرة الماء فيها يكون معتبر نزيدولو 3 فصوص وزوج وريقات رند باش ميغليش وحدو وتكون فيه بنة. بعدما يطيب نصفيوه نحطوه في كسكاس يقطر.من جهة اخرى نوجدو درسة نحطو حبة ثوم( متوسطة فيها 8 فصوص ولا 10) نجيبو الملح، فلفل اسود، كمون، فلفل احمر، فلفل دريس( نشمخوه في ماء دافي) وانا نزيد زنجبيل وشوية راس الحانوت وندرسهم بالمهراس ولا نميكسيهم فلميكسور. نجيب طنيجرة تكون تقيلة نحط فيها زيت كمية معتبرة لانو البوزلوف يحب ليدام بعدها نحط الدرسة تتقلى نزيدلها مغرف عشاء طماطم مصبرة نكمل نقلي نزيد معاهم لحم الراس والرجلين تاع لخروف لي كنا نحيناهم م لعظام نحركو شوية بعدها نمرقو بماء سخون شوية قيس ما يتغطى برك نغطو الطنيجرة ونخلوه يطيب على نار هادية بعدها نزيدو كميشة حميصة ومغرف عشاء ماشي معمرة خل غير يتجمر نطفيو عليه نزيدولو رشة كمون وبصحتكم 🌸❤
ان شاءالله الوصفة تنال اعجابكم.