وصفة الشخشوخة

على بركة الله نبدأ اول وصفة الشخشوخة ✨

✨وراق شخشوخة ✨
كيلو سميد ارطب نوعية ماما ولا سارسو نعتمدهم هدو نوعيات
ملح
و تلميها با ماء
اعجنيها مليح وادلكي زين ههه و خليها ترتاح عجينة ما يابسة ما تالقة روحا
خليها ترتاح مليح و قرصيها بولات صغار و خليها ترتاح مرة ثانية بعد تفتحيها شكل ورقات رڨاڨ وحدة فوق وحدة على نار هادئة
المرقة:
طراف جاج او لحم
حبة كبيرة بصل مسكرفجا
حبة طماطم مسكرفجا
فصين ثوم
ملح راس لحانوت فلفل اسود
حميصة مشمخة
طماطم علب
فلفل حار
خضار كورجات و زرودية بطاطا لفت
قرفة عود
اول حاجة في كوكوت سمن و زيت طراف جاج يتقلاو مليح زيدي حبة بصل و طماطم تان يتقلاو bien ابرري زيدي les épices و خليهم حتى يقلاو مليح مليح زيدي خضرة و حمص مرقي و خليه يطيب كي طيب خضرة صفيها و جاج تان و خليها تعقد
مبعد فتي ورق شخشوخة فوريهم 2min لا أكثر زيديلهم مغرف زبدة من احسن دهان عرب و وقت تقديم سقي عليها مرقة و بصحتكم😘😘😘