ميني تارت بكريمة رائعة المذاق

250 غ زبدة طرية.
كاس سكر قلاص
ملعقة صغيرة لفاني
ملعقة زيت
ملعقة مايزينة
حبة بيض
فرينة
طريقة التحضير⁦❤️⁩
في إناء ديري زبدة مع حبة بيض خلطيهم مليح او ضيفي سكر قلاص مع مايزينة او لفاني او ملعقة تع زيت او لميها بلفرينة خليها طرية شوية خليها فتلاجة مدة 30 دقيقة او شكليها فلمول لي طيبي فيه تكوني رشيتيه بلفرينة او اتقبيهم بلفرشيطة او ديريهم يطيبو على نار هادئة الكريمة ،🥰🥰🥰.
في إناء ديري كاس شونتيي مع كاس حليب بارد طلعيهم مليح كي تشوفيها ولات تقيلة ضيفي عليها 2 علب ياؤورت فلان كرمال او طلعيهم مليح جيبي تارتولات ديالك او ديري فاكية لي عندك ديري كريمة فلابوش او زيني بيها تارت ديالك او تزيين كما هو موضح في الصور
تزيين اختياري خليهم يبردو شوية قدميهم بصحتكم 😍 هاد الكمية تخرجلك 35 حبة
الاحتفاظ بليفون تارت كي طيبيهم خليهم يبردو مليح او ديريهم في علب بلاستيك او غطيهم مليح باش ميضربهش الريح. كي تحبي لي تارت اجبديهم عمريهم برك 😍 بصحتكم حبوباتي
تفاصيل أكثر تابعوني على انستغرام ❤👇👇
https://www.instagram.com/salimaoughari/