#محاجب سخونين وحارين😍🤩

المكونات:
500غ سميد
250غ فرينة(غير ضرورية، ولاكن احسن باه تقدري تتحكمي فلعجينة، إذا كنت اول مرة تخدمي العجينة)
ملعقة صغيرة خميرة فورية
ملعقة اكل سكر
ملح
ماء لجمع العجين
الحشو:
بصل مفروم
فلفل أخضر حار
1طماطم حبات
معجون الطماطم
ثوم
زیت
#طريقة التحضير:
نحط للسميد+فرينة+ملح +السكر+ الخميرة، نخلطهم مع بعض، نضيف الماء تدريجيا حتى نتحصل على عجينة متماسكة، نغطيها وانخليها ترتاح ، فالوقت الي ترتاح فيه ابداي ديري الحشو، جيبي مقلة، حطي الزيت يسخن +البصل وفلفل حار يدبالو شوية+الطماطم+ طماطم مصبرة+ثوم+الملح ونغلق عليها كي يطيبو حلي عليها وخليها تنشف من الماء باه امبعد مايتقطعلكش العجين ،ممبعد نرجع العجينة تاعي نلقاها ريحت نبدا نعجن فيها بدون تقطيع ،وانزيد فالماء بالشوية حتى تتجعن وتطلق روحها واتولي تتلصق شوية فاليد، ممبعد ندهن يدي بالزيت وانشكل بيها دوائر، نغطيهم وانخليهم يرتاحو ضروري باه تتحلك بكل سهولة، مبعد نجيب طاجين ولا مقلات ونبدا نحل بالوحدة باستعمال الزيت وانحط الحشو فالوسط، ونغلق عليها بشكل مربع، كي يسخن الطاجين ندهنو بالزيت وانهز الحبة وانطيبها، وشهية طيبة،😍♥️🥰