طاجين الجلبانة في الفرن

المقادير
1 صدر دجاج
1 حبة بصل مبشورة
1 حبة جزر
جلبانة
4 حبات بيض
2 ملعقة كبيرة جبن طري
فرينة
ملح و توابل
وقت التحضير: 10 د وقت الطهي: 10 د الوصفة تكفي: 04

طريقة التحضير
نقسم صدر الدجاج على اثنين و نقليه في قليل من الزيت مع البصل المبشور و الجزر المقطع
نضيف الجلبانة و الفلفل الاسود و الزنجبيل و الملح و نترك الكل يتقلى جيدا
نمرق بالماء حتى نغطي الدجاج ثم نغطي القدر و نتركه فوق النار حتى ينضج كل شيء و يبقى فيها قليل من المرق
نأخذ الدجاج و نفتته جيدا و نضيف له الجبن الطري و حبة بيض و نخلطهم جيدا حتى يندمجوا مع بعض
نشكل خليط الدجاج و الجبن على شكل بيضوي او خبيزات حسب الرغبة ثم نرمده في الفرينة و نقليه في زيت ساخنة
في قالب فرن نفرغ الجلبانة بالمرق ثم نضيف فوقها كريات او خبيزات الدجاج المقلية ثم نفقس فوقهم حبات بيض
ندخل القالب للفرن حتى ينضج البيض و يتجمر الطاجين