سيرث نلمعاون نفثال أبربوش ذ بركوكش ذي باثنت ورعان ثلا

ثتاوسن الولاياث انلوراس امقران سلباس نلعوايد اقلا ورعان اقيمت وحرصنت فلاسنت الخالاث سيرتو ثمقرانين بشام اتنقلت ايسيثسنت، خاطر لعوايد احلانت لباس وذيسنت الخير ذامقران فتخامين انلوراس، وسلعوايد امعاون نتخامين فموقي انلباس نتغاوسوين املعراس ذقشابين انيغ افثال نلعولت.قبل ما هاتبذو لمشتا نسقاس اقلا يوسد يسمط سيرتو ماني اثثيش لمطر لباس، بتونت لعوايل انباثنت فتلنت لباس نلمواكل اقلا جبذنهنتيد ذي الوقث نميرا، أم افثال نبربوش ذالعيش، بشام أثفرنت إلمشتا واذسرقنتيد خاطر اذتقاوانتش لخالاث اتقيارين أذفثلنت ذي المشتا ماني إقسمط الحال، امين غغتنتنا الحاجة صليحة بلي ذس المشتا أذتنجامنتش اذسهوانت إسيارن اتربوث وأذقيمنت واذفثلنت، ذيا ففتلنت قبل ماهتعدا المشتا لباس نبركوكش غن ملامك قارن ذي لجوايه نسطيف “العيش” وامبعد بغير اثحواجنت اذسرقنت القيس مهتتش ثخامت واسقنت المرق برك واثسيقمنت، وثغاوسياي ثحلا لباس ذي باثنت خاطر لعوايل او لعباذ انتداه كامل تحبان اذتشن ثغاوس ذي زاق وأثحما واذتافنش خير نالعيش سقديد أهنسروا.
وتمعوانت امين إغنتنا الحاجة صليحة لباس نالخلاث ذأقفثال كل المرث ذي ثداه انتيش واذفثلنت امين إخسنت وأذكلنت أتشاخنت اتقسارنت، وتمعاوننت، ومولات أقرب ثعرضهنتيد سوسان قبل وأسنتق لفضور وكل ثامطوث ثتاويد إيذس ثغاوسوين نلفثيل انس سي ثداه أنس، وثتبكارد زيك سيرتو ذقسناي يحلا الجو لباس.
وبغير اذكملنت سغراينت قلي 3 أنيغ 4 نوسال وأثظرنت كل ثاعشويث بشام أذقار مليح أومبعد وأتخممل ملاتو ذي ثساشين أحلانت واتجبذ سيسي الوقث ذي ثحواجن وقبل مها اتق شياي كامل لازم اتفور اسع واتحمص مليح ذقاس ماني إقتوفثال، بشام بغير أذتواجبذ أتوفور مرث برك.
ثغوسياي ثولا ذالعاذث سيزيك ذي الولايث أنلوراس أمقران، وحتى ماني إذقعمر الجيل نميرا ورعان الخلاث انزيك اتحفاظنت فلاس، بشام بغير أذروحنت نهنتين اتقيم سيرثاي خاطر تملاقنت ذيس العوايل واتمعاوننت.