#سكالوب بشامبينيو وصفة روعة

#طريقة التحضير :
أولا نجيب الدجاج تاعي و نتبلو فلفل أكحل+ فلفل أحمر+ كركم + عصير الليمون + ملح + زيت + موطارد + ثوم + زنجبيل
نخلط المكونات جيدا و نغطي دجاج و نخليه يتشرب مليح لماريناد تاعنا و مبعد نقليه في مقلاة جيدا بعد ما يتحمر نحيه على جنب و في نفس المقلاة ندير شوي زبدة و ليشامبينيو تاعنا و حبة بصل مرحية صغيرة نقلي جيدا ثم نضيف فلفل أكحل و فصين ثوم و ملح و ملعقة موطارد نخلط جيدا ثم نضيف كاس ماء و نصف كاس حليب و ملعقة كبيرة فرينة و نخلط حتى تخثار لاصوص و نضيف كمية من الجبن و نخلط جيدا و نرجع دجاج في لاصوص يتشرب و نقدموه و بصحتكم