بيتزا بالتون ساهلة ماهلة

العجينة
3 کیسان دالطحين
1 بيضة كاملة
2 ملاعق كبيرة زيت عادي
2 ملاعق كبيرة زيت زيتون
2 معالق كبيرة دانون طبيعي
1 ملعقة صغيرة خميرة د الخبز
1 ملعقة صغيرة خل
ملح حسب الذوق
شوية زعتر
ماء دافئ للعجين
نخلط جميع المقادير ونعجنو بالماء دافئ ندلكوها مزيان ونخليوها ترتاح حتى تخمر ويتضاعف الحجم ديالها ملي تخمر نطلقوها بالمدلاك فوق طاولة مرشوشة ب دقيق الفينو السميد رقيق جدا) وكتقطع دائرية وكنعملا في السينية وكتذهن
بالصلصة والحشوة على حسب الذوق انا عملت التون والبصل والفلفل احمر واخضر مقطعين طوالين وطماطم مقطعة شرائح وزيتون اخضر
وفطر معلب ورشيتا بشوية د الزعتر والملح ودخلتا الفران شاهل غير من تحت وملي طابت رشيت عليها الجبن و رجعتا الفران مشعول من فوق غير يذوب الجبن صافي
الصلصة
في خلاط كهربائي كنعملو فلفلة خضرا وبصلة ، ثوم، طماطم ونطحنو مزيان نعملو الخليط في مقلاة فوق النار ونزيدلهم الملح شوية د زیت ، ابزار کیمون، فلفل غبرة، زعتر، شوية د صوليص (صلصة وملعقة كبيرة د صلصة مركزة د الطماطم ملي يطيب الخليط نطیفلو
حتى يبرد عاد نذهنو بيه عجين البيتزا