![انعزام احمد بن محمد الفرسطائي](https://www.vitaminedz.com/images/puce.webp)
اغلان يلا دس يغلب نالمخطوطات دلكتوب اكبار اساولان فقاع العلوم اوللين انشان وضضن سلكتوب ايتوعاود اسقماس انالكتاب اسقارن القسمة وأصول الأرضين نابو العباس أحمد بن محمد الفرسطائي اديلول اسقس 1110م 504 هجري.وني ممس نعميس نابو بكر عبد الله محمد بن البكري الفرسطائي ايسرس النظام نعزابان دتم نغزر نوغلان بعد اديوس ستم نغزر نريغ لجوايه نتماسين جار توقرت دوادي سوف، وني ينشر المذهب الاباضي تم نوغلان بعد اتوغان مدان تبعان المذهب نالمعتزلة .لكتاب نالفرسطائي اسول دس فيغلب نلقسام القسم امزوار اسول دس فالكيفية انوبنى نلقصور دغرمان دقاع ابسون اعنان اماشي تدرن مدان اماس نوغرم اماشي يلا الحال اغرمان نغزر نلمزاب دورجلان دتماسين توقرت دوغلانة وادي ريغ اغرم نتمرنة وادي سوف دمناو اضضنين امرارن مع الوقت.تغوس نزوني نومان نتجناو دلحكام نوسسوي نتكرزت دتمشراس اعنانت تكرزت دالحق نبردان دغولاد دالقلت نومفهام جار اكرزان ددباب نتمورت دوحفار نترسين دالشركة جار مناو مدان داماشي ادزونان امان جارسن اتناف قاع اسول غفسان الفرسطائي لكتابس.وني دقن لكتاب الان غال اماروا دقن المرجع اغلان دمناوت تمو نتري ابين اسس يغلب نلحكام دالقواعد نتمدورت دبسون اتهمان البنيان دالعمران بالخصوص اغرمان دموشان اعمرن دس مدان فمارا مان احدد اسماون نبردان دغولاد دترجوين نومان.لحكام نالفرسطائي ادقلانت دم غال الشريعة دون ادوسين السنة دووال نيوش امقران دقن المثال ابينت امزوار اجورن ابريد ايتوغ اسر نيوش امقران محمد تزاليت غفس دسلام يبنى الدولتس تمزورت المدينة سالعدل اماشي يلا الحال اغرمان نوغلان مدان تدرن فمارا بلا اقت تالوفت غرسان القوانين دالاعراف قرانتن نجمان ادسلين اقت تغرم فلحساب نالقواعد ادوسين لكتاب نالفرسطائي.وني دقن سنعزمان امقرنان ادتشران تنري غرسان فوس اسوض نتغرم دوعزام غال الاجيال اطفان دس غال امارومان يغلب نتدشلوين اندهنت احرش نالتراث عاودنت اطباع نلكتوب اكبار سقت الطبعة تجددت باش انلمادن نماروا ادنجمان ادبين العلوم دالمعرفة ادجين امزوار.
-
تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
تاريخ الإضافة : 10/04/2015
مضاف من طرف : presse-algerie
صاحب المقال : تغردايت الشيخ باعلي واعمر
المصدر : www.ech-chaab.net