المنـــــــام

تـَحـتْ ضَّل النخلَة ، اتِكـيـت و احذايَا كـَرمَـة امسَاميتـِني مَا جَبْت اخبَـر، مَا حَسّيت حتـَّى ارقـَدتْ ، وادَتني عيـِني صَّح ارقـَدتْ ، وادّتـِني عيـِني او في منَامي شَفت مْـنَـامْ شَفت العبَاد، تضحَكْ واتغَـنِّـي يَتعَانقـُـو وايقولـُـو سلامْ شَفت الفقير، مْسَامي الغنّي والغنّي وَزَّع الطعَامْ يَتعَانقـُـو وايقولـُـو سلامْ في لبَـاسهـم ، اتقـُـولْ اتوامْ مَا اتفرقْ حَد مَن الثـَـاني او لهنَى اسكـَــنْ في قلـُـوب العبَادْ شَفت الخير فـَايَـض امعمَّر او لهنَى اسكـَــنْ في قلـُـوب العبَادْ و الإمَام فـُـوقْ المَنبَـر يَدعي بالِخير للبلادْ المصّلي ، اورَاه ايكبَّـر حَتـَّـى تشَوَّكْ لـَحمـي فالرقـَـادْ ايقولـُـو تحيَا الجزائر بلاد الشـُـهداء الأمجَادْ الوَجْه مهني و القـَـلب امنوَّر عَاد المَاء يمشي فالوادْ شَفت لحبَاس ، ولات امعَاهَـد للفنـُـونْ التـَـشِكيليَـة مَكـَـاش فالبلاد اللـِّـي قـَـاعَـد النَّاسْ تخدم ، بالصفـَـى و النيَّـــــــة مَكـَاش فالعباد اللـِّـي ايفسَّد هَذا ينَادي لهذا خُـويَــــا الجزايري في ربّي حَامَـد شَعبْ مَـحْـبـُـوبْ في كـُـل الدّنيَـــا شَفت اجنَاس الدّنيا كـَـامَـل في بلادنَـا ، ايحَـوْسُـو عالخدمَـة اقوَات في بلادهُم المشَاكل جَاو لعَـندنَـا ، يَاكلـُـو اللـُـقـْـمَــة و السُكنَـة في بلادنَا بَاطل شَفت النَّاسْ ، عَـايشَـة في نَعمَـــة شيخ اسعَـل ، السبيطار اتهوَّل بين لَـعبَـاد ، كـَـايَـن الرَّحمَـة يَاخوتي كي حَلـِّـيتْ عيني شَفت لَهنَـى ، فالواقع مَشْـطـُـوبْ فـَـالوَاقـع… الواقـَـع اخلعني الشيء اللـِّي نَمتـُـو كـُـلُ اكـْـذوبْ نَمت مْـنَـامْ ، تخلطـُـو امعَـانيــه كيلـِّـي العَبْ ، غَـالـَـب مَـغلـُوبْ وَ قيــــلا الشميسَــة صَـرعتنــي ولاّ ارقـــدتْ بــالمَـقـلـُـوبْ الشاعر/ياسين أوعابد