الحسوة

المكونات
2 حبات لفت (خردل)
فول اخضر
حبة طماطم
3 م ك طماطم مصبرة
5 الى 6 فصوص ثوم
ملح + فلفل حار و رأس الحانوت
شوية فرينة + سميد
معدنوس
فلفل اخضر حار
للتزيين
قارص + زيتون و فلفل مرقد

الطريقة :
اولا نغلي الفول الاخضر مع الماء على النار حتى يطهى ومن بعد نصفيه
- في قدر على النار نحط كمية من الماء ونقطع حبات اللفت دوائر متوسطة ونتركها تغلي حتى تطرى قليلا.
- في اناء اخر نبرش الثوم ثم نضيفلة 3 مغارف كبار زيت + التوابل ملح وفلفل حار وراس الحانوت ثم حبة الطماطم المرحية + الطماطم المصبرة
بعدما يطرى اللفت نضيف الى القدر الفول المطهى سابقا.
- ثم نضيف خلطة التوابل والثوم والطماطم ونحرك قليل ونتركها على نار متوسطة.
- نحضر 3 معالق كبيرة فرينة + 3 معالق كبيرة سميد ثم نضيفلها حوالي كأس ماء دافيء ونخلط جيدا ونضيفه الى المرقة اللي على القدر ونهدىء النار ونواصل الخلط حتى لا تلتصق في قاع الطنجرة ونضيف معها فلفل اخضر حار.
عند إطفاء النارنضيف لها كمية المعدنوس المقطعة.
للتقديم :
في طبق التقديم نحط الرقاق المحضر مسبقا ونسقيه بالمرقة وعصير الليمون ضرورية مع حبات زيتون ورشة معدنوس.